உன்னிடம் ஓராயிரம் கதைகள் பேசியிருப்பேன்
அவற்றில் அர்த்தமுள்ளவை எத்தனையென
இன்னும் தெரியவில்லை
உனைக்கேலி செய்து சிரித்திருப்பேன்
அவை உனைப் பாதித்ததா
என புரியவில்லை
நீ நகைப்பதற்காய் கவி பாடியிருப்பேன்
அதை ரசித்தாயோ என்னவோ
நான் அறியவில்லை
என் கவலைகளை உன்னிடம் பகிர்ந்திருப்பேன்
எனை சுமையாய் எண்ணினாயோ
அன்று நான் சிந்திக்கவில்லை
இன்முகம் காட்டும் உன்னிடம்
என் கோபம் காட்டியிருப்பேன்
அன்றென்னை வெறுத்தாயோ நண்பனே
நான் அறியவில்லை
இருப்பினும் - என்றும்
என்னுடன் நட்பு பாராட்டும் உன்னை
பிரியேன் எனமட்டும் நான் அறிவேன் !
No comments:
Post a Comment